Posts

Enblema Urdina Nicolás de Avellaneda Transbordadorearentzat

2018ko abenduaren 18an, Nicolás de Avellaneda Transbordadore Zubiak Enblema Urdina jaso zuen Lantalde Nazionalaren eskutik. Talde hori hainbat ministeriotako ordezkariek osatzen dute (Defentsa, Kanpo Harremanak eta Kultu, Hezkuntza, Kultura, Zientzia eta Teknologia), eta Gatazka Armatuetan Kultura Ondasunak Babesteari buruzko Konbentzioaren baitan (Haga, 1954 eta horren Protokoloak) Argentinako estatuak bere gain hartutako nazioarteko betebeharrak ezartzeaz arduratzen da.

Lorpen garrantzitsua izan da, ondarea eta, ondorioz, Argentinako historia eta kultura babesteko.

Argazkiak: César Valdivieso, Laura Cabañas eta Carlos Oscar Di Lorenzo

 

Arte en miniatura ikus-entzunezkoa

Ikus-entzunezko honetan, Nicolás de Avellaneda Transbordadorearen ekimenez egindako maketa artistikoen irudiak ageri dira, bata bestearen atzetik. Maketa horiek omenaldia egiten diote Argentinako zubiari, eta zubi horrek nahiz Bizkaia Zubiak –ehun urtetik gorako egiturak, bi-biak– izandako garrantzia interpretatzen dute.

El Transbordador de La Boca: 100 años, un puente bideoa

Homenaje desde el sur | Hizkuntza: gaztelania

Read more

Rocheforteko eta Buenos Aireseko arduradunak Bizkaia Zubian

Hilabete honetan Rocheforteko Transbordadore Zubiko arduradunen frantziar ordezkaritza bat eta Buenos Aireseko Zubiko arduradun Nicolás Avellaneda hartu ditugu gurean plazer handiz. Bizkai Zubia eta haren gestioa bertatik bertara ezagutu nahi zituzten eta, aldi berean, gerturatzen ari den Transbordadore Zubien VI. Biltzarraren programaren garapenean aurrera egin.

Bi egun zoragarri igaro ditugu elkarrekin, eta lotura sakona sortu da gure artean, Alberto de Palacioren asmakizun bikainaren inguruan lotuko gaituen proiektu multinazional baten bila.