“(…) un estruendo sonó en mis oídos (…)” ikus-entzunezkoa

Ikus-entzunezko pieza bat da, Espainiako Gerra Zibilean (1936-1939) Bizkaia Zubiak jasandako suntsiketari buruzko artxiboko irudi historikoen segida bat, Carlos Gómez Guadaluperen poema baten hitzek lagundua. Bideoaren xedea da gatazka belikoek gure kultura ondarean eta, ondorioz, herrien memorian nahiz nortasunean eragiten dituzten hondamendien gainean kontzientziatzea.

Abiapuntutzat du Eman minutu bat ekimena, UNESCO Etxeak 2010az geroztik sustatzen duena eta helburutzat duena “gizartea Giza Eskubideen Adierazpen Unibertsalaren urraketaren gainean sentsibilizatzea eta kontzientziatzea”.