Bizkaia Zubia kontserbatzen. 2018. urtea

Bizkaia Zubia zaintzeko asmoz, urtero-urtero kontserbazio eta mantentze lanak egiteko esku hartze partzialak gauzatzen dira azpiegituraren hainbat elementutan. Esku hartze horiek ezinbestekoak dira, bai herritarrek ondareaz gozatu ahal izateko, baita zubiak etengabe behar bezala funtzionatuko duela bermatzeko ere.

2018an zehar, honako hauek egin dira, besteak beste: zubiari eusten dioten altzairuzko kableen ainguraketa blokea lehengoratzeko lanak ezkerraldean (Portugalete); pasarela panoramikora iristeko igogailuen konponketa;  aldaketa teknologikoak ontzia ertz batetik bestera eramaten duen gurdiaren lekualdaketaren kontrolean (erregulagailuak); ohola aztertzeko lanak, eta dorreen prebentziozko mantentze lanak.